جواب للغايب بالعاميه المصريه . قصه قصيره

رساله الي الغائب 

انهرده هاكتبلك جواب يا مازن بصراحه لأنك وحشتني أوي وكنت زهقانه من قاعدتي في البيت وحدي فقررت أكتبلك جواب عارفه إنك مش هتقراه او تشوفه بس متأكده انه لازم أكتبه والاكتر ان روحك معايا . وكانت مريم تبكي وهي تكتب فقررت سحب منديل ومسح دموعها المتساقطه .

في الحقيقه مش قادره انسي يوم الحادثه لما كنا سوا بالعربيه و لما أغم عليا بعدها وحالتي كانت صعبه وخطيره وأنت أنقذتني من العربيه قبل ما تتحرق بالرغم من انك كنت بتنزف بالرغم من ألمك الفظيع لكن ما سيبتنيش أموت قد إيه بعد ما فوقت من غيبوبتي وعرفت انك وصلت بيا المستشفي مع الناس الي لحقونا علي الطريق بعدها وانا في العنايه المركزه بين الحياه والموت .

وبعد كام يوم غيبوبه صحيت وماما ومامتك وكلهم جمبي وكانوا حزاني ومخبيين عني حاجه بأدور عليك يا حبيبي ما لاقكش جمبي وكل ما كنت أسأل عنك كنت الاقيهم يهربوا من الاجابه ويغيروا الموضوع وبعدها اكتشفت رحيلك مش بس عن الدنيا كلها ما تتصوريش أنا من وقتها في صدمه حتي بعد ما مر عشر سنين علي فراقك وفقدانــك من قدام عنيا وحزني الي الكلمات متوصفهوش .

ما أكدبش عليك لما بأزعل بأحضن المخده وأغمض عنيا وأسرح مع احساسي وذاكرتي معاك وأفتكر حضنك وافتكر لما كنت دايما بتخاف عليا من أي شيء ولو صغير بأفتكر لما كنت تساعدني في شغل البيت وتهزر معايا بدون ما تظهرلي انك تعبان بافتكر مفاجآتك ليا لما تتصل وتقولي يا مريوم قومي البسي انا هاعدي اخدك دلوقتي عشان هنتغدي بره وتدفي المكان في الشتاء ما كونتش بتفوت اي شيء الحقيقه .

اكتشفت بعد رحيلك اني محتاسه مش باعرف أعمل حاجه من غيرك ما بنساش لما كنت تشتريلي هديه عيد الأم انا ومامتي ومامتك بعد ما مشيت ما بقاش في أي طعم لأي شيء خلاص كل الأيام بقت شتويه داكنه 

أوعدك اني عمري ما هنساك وأوعدك إني هافضل اكتبلك لحد ما أرحل وأجيلك الي مصبرني بس هو ابنك " عمر " الي فيه كتيه منك وعنده نفس ضحكتك وعنده نفس روحك الحلوه , أتمني افضل معاه لحد ما يكبر ويعيش مبسوط وأفضل احكيله عن حبيبي الي هو باباه . هأفضل دايما معاك في خيالي حتي لو بعيط عشان عارفه إنك هتيجي تحضني وأنا مغمضه عنيا ...

تمت :)