النيه والكذب بالعاميه المصريه
كل يوم بنطلع من باب البيت كل يوم بنصحي من النوم عند كل واحد فينا روتين معين بيعمله كل واحد له دماغه وعنده نيته الي عاقدها علي شيء معين , وبعد كل ده بنخرج بعدها من البيت , انا عارف انه كلام غريب لكن أنا عاوز اربطه بالنيه وانت خارج بتختار تتعامل الناس ازاي في ناس بتلاقيها صافهي كده و تعاملاتها لا غبار عليها وفي ناس مهما حاولت تزوق كلامها عمرك ما بتحس انك مرتاحلها او حتي بتصدقها هنا بقي ده مرتبط بالنيه ...
لو نيتك صافيه ده بيعمل حواليك هاله بتخلي كل شيء بتقوله أو بتعمله يكون مقبول ومفهوم عند الغير ومش بس كده بتلاقي الناس بتحببك من غير سبب واضح غير انك بني ادم افعالك جميله ووقعها علي القلب حلو
الكذب بقي بيصدم الواحد في الناس لما يلاقي حد يعرفه من زمان ويكون كذاب ومنافق وبكذا وش ناس كتير عايشه حياتها علي الملاوعه زي ما بنقول في مصر الكذب بيخليك تعيش كشخص مختلف مش أنت حتي تعاملاتم بتكون مصطنعه وضحكتك مزيفه
الكذب بينقلك من عالم الواقع الحقيقي لعالم الفراغ الموحش لأنك من كثره كذبك نسيت أنت مين وأنت كنت بتتعامل ازاي بفطرتك ... وبعدين
هو أنا بقول الكلام ده ليه لأني عرفت في حياتي كثير من الكاذبين والكاذبات أو مر عليا يعني وبحكم ظروفي المأساويه الي ربنا خلقني بيها بدون ذكر تفاصيل فرضت عليا إني أكون صريح ومكدبش جايز دا خلاني اتصدم ده مش معناه اني شخص مثالي بالعكس انا ممكن اكذب زي اي انسان لكن اهم شيء مصدقش كذبتي ومصدقش العالم الي انا خلقته بالكذبه دي وأحاول ارجع للواقع واعترف اني غلطان
الكذب شيء وحش شيء يقضي علي جمال الحقيقه الي بتتمثل في الراحه النفسيه الحقيقه أنا عارفها قد تكون مؤلمه لكثيرين منا لكن صدمه الواقع أفضل بكثير من العيشه في دوامات الكذب الي بتنتهي غالبا بالقضاء علي النفس بشكل مأساوي
آخر سطر بانصحك كبني ادم أو بني ادمه خليكم حقيقيين وصادقين مع نفسكم وماتحاولوش تعجبوا غيركم بالكذب وتجملوا اشياء قبيحه انتو شايفينها جميله بيه هتفرق معاكم كثير جدا
No comments:
Post a Comment