عن الكلام الحلو " بالعاميه المصريه "

عن الكلام الحلو : في الايام الي بنعيشها الايام دي الناس بقيت تستغرب لما بتقابل ناس بتحب الكلام الحلو و الاشعار و الاقتباسات الادبيه التي توصف شيء ما زي مثلا المرأه ، الطبيعه ، المشاعر .... الخ .... طب ليه كدا يا بشر ؟! محدش فيكم سأل نفسه انه دي ممكن تكون رغبه احدهم او شيء بيفرحه او يبسطه ؟! او حتي يخفف عنه ألم أو وجع .... طيب ليه الناس بقيت كدا هل لأن دماغها فاضيه ؟ و لا استعلاء و لا استهزاء و لا جهل بالشيء .... بصراحه حاجات كتير مقدرش افسرها و حاجات تانيه ليها بعض التفسيرات ... لكن الي ميبقاش مقبول هو انك تتريق او تسخر من شخص تاني بيحب الاقتباس و الحديث و الكتابه بالمصطلحات و الكلمات الجميله لان دا اختياره هو قاصد دا و بيحب دا وزي ما انت او انتي كيفك في حاجه تانيه بتحبيها في ناس كيفها في الادب و الشعر و الكلام الحلو و بيبقي فعلا طالع من قلبها .... نفسي الناس تبطل قبح وتعرف انه الكلام الجميل دايما وراه معني مش خداع او كذب او استغلال لمشاعر حد تاني ....